725C2 Articulated Truck Caterpillar

Liðskiptar flutningabifreiðar hafa ekki sömu notkunareiginleika og þær sem ekki eru liðskiptar. Sveiflutengi kemur í veg fyrir snúningsálag milli framgrindar og afturgrindar á liðskiptum flutningabifreiðum. Sveiflutengið er á milli dráttarbifreiðarinnar og eftirvagnsins. Sveiflutengið gerir að verkum að engin takmörk eru á sveifluhreyfingum milli dráttarbifreiðarinnar og eftirvagnsins.

Eftirvagninn getur oltið á meðan dráttarbifreiðin helst stöðug.

Skyndileg breyting á kraftvægi eða þyngdardreifingu getur leitt til þess að eftirvagninn velti. Þessi breyting getur orðið ef stýrinu er snúið skyndilega og/eða hemlað er snögglega í brekkum eða beygjum, eða ef ekið er of hratt í beygjum, brekkum eða á ósléttu undirlagi.

Eðlilegt er að engin takmörk séu á sveifluhreyfingum milli dráttarbifreiðarinnar og eftirvagnsins. Stjórnandinn er ekki varaður við því að velta sé yfirvofandi.

Gæta verður að eftirfarandi til að koma í veg fyrir að bifreiðin velti:

1. Hlassið á bifreiðinni má ekki vera yfir nafnþyngd.

2. Dreifið hlassinu jafnt á yfirbyggingunni og gætið þess að ekki sé of mikill þungi að framanverðu.

3. Varist að snúa stýrinu skyndilega og/eða að hemla snögglega í beygjum eða brekkum.

4. Forðist að aka þvert á brekkur. Ef ekki verður hjá því komist skal draga úr hraða. Sýnið aðgát og varist að snúa stýrinu skyndilega og/eða að hemla snögglega.

5. Sýnið aðgát við losun. Ef efni er fast á yfirbyggingunni og undirlagið mjúkt getur það leitt til þess að eftirvagninn velti.

6. Ekki má hlaða efni á yfirbygginguna sem getur skorðast á henni eða stendur út af henni.

7. Akið ávallt á viðeigandi hraða. Haldið hæfilegri stöðvunarvegalengd við allar aðstæður. Við stjórnun bifreiðarinnar skal taka tillit til hlassins hverju sinni. Gætið að veðurskilyrðum og aðstæðum á vinnusvæði.