Þessi handbók inniheldur fyrirmæli varðandi öryggi, notkun, smurningu og hirðingu. Handbók þessa ætti að geyma í vélarrúmi eða nærri vélarrúmi í hentugri möppu eða hirslu. Lesið handbókina og geymið hana hjá öðru upplýsingaefni um vélina.
Enska er frummálið í öllu efni sem Cat gefur út. Unnt er að fá þýðingar sem eru samkvæmar þeirri ensku sem notuð er.
Nokkrar ljósmyndir eða teikningar í þessari handbók sýna atriði eða viðhengi sem eru frábrugðin vélinni þinni. Hlífar og lok gætu hafa verið fjarlægð til að sýna betur það sem um er fjallað. Framþróun og endubætur gætu hafa átt sér stað á þinni vél sem ekki er sýnt í þessari handbók. Hvenær sem vakna spurningar varðandi þína vél eða handbók þessa skal hafa samband við Cat umboðið varðandi nýjustu fáanlegar upplýsingar.
Öryggiskaflinn tilgreinir helstu öryggisatriði. Að auki bendir kaflinn á hættulegar kringumstæður. Lesið og skiljið grundvallaröryggisatriði sem skráð eru í öryggiskaflanum áður en vélin er notuð eða smurð, viðhald eða viðgerðir fara fram.
Í handbók þessari er greint frá helstu frumatriðum í notkun vélarinnar. Þannig er hægt að þróa hæfni og tækni sem þarf til að nota vélina á hagkvæmari hátt. Hæfni og tækni þróast eftir því sem notandinn öðlast meiri þekkingu á vélinni og hvers hún er megnug.
Notkunarkaflinn er til uppsláttar fyrir notandann. Ljósmyndir og teikningar leiða notandann gegnum aðferðir við eftirlit, ræsingu og stöðvun vélarinnar. Þessi kafli hefur einnig að geyma umfjöllun um rafeindagreiningu.
Viðhaldskaflinn er leiðsögn um hirðingu vélarinnar. Myndskreytt fyrirmælin, sem leiða skref fyrir skref, eru tengd olíunotkun, vinnustundum og/eða tíma milli viðhaldsaðgerða. Vísað er til atriða í viðhaldsskránni sem eru nánar skýrð í fyrirmælum sem fylgja.
Notið eldsneytisnotkun eða vinnustundafjölda til að ákvarða viðhaldstímabil. Bil sem byggð er á tíma (daglega, árlega, o.s.frv.) má nota í stað vinnustundamælis ef þannig fæst hentugri áætlun og hún fellur nærri áætlun skv. vinnustundamæli.
Framkvæma ætti uppgefna hirðingu með því millibili sem mælt er fyrir um í viðhaldsráætluninni. Vinnuumhverfi vélarinnar hefur einnig áhrif á viðhaldsáætlunina. Þegar aðstæður eru sérlega erfiðar, mikið ryk, blautt eða kalt, þarf ef til vill að sinna hirðingu og smurningu oftar en tilgreint er í viðhaldsáætluninni.
Atriðin í viðhaldsáætluninni eru skipulögð sem hluti af fyrirbyggjandi viðhaldi. Ef áætlun umfyrirbyggjandi viðhaldi er fylgt, er ekki nauðsynlegt að stilla vélina þess á milli. Með því að fylgja áætlun um fyrirbyggjandi viðhald er dregið úr rekstrarkostnaði, með því að komast hjá útgjöldum vegna ótímabærra bilana og stöðvunar.
Framkvæmið viðhald á einstökum atriðum sem margfeldi af upphaflegu þörfinni. Hvert stig og/eða einstök atriði á hverju stigi ætti að færa fram eða aftur eftir hirðingarvenjum þínum, notkun og viðfangsefni. Við mælum með því að viðhaldsáætlunin sé afrituð og sýnd nærri vélinni til áminningar. Við mælum líka með því að haldin sé viðhaldsskrá sem hluti af skráningarkerfi fyrir vélina.
Sjá kaflann í Notkunar- og viðhaldshandbókinni, "Viðhaldsskrá" varðandi skjöl sem venjulega eru viðurkennd sem vottorð um viðhald eða viðgerðir. Cat umboðið getur aðstoðað þig við að laga viðhaldsfyrirkomulag þitt að því sem notkunarumhverfi þitt krefst.
Ekki er fjallað um meiri háttar yfirhalningu í Notkunar- og viðhaldshandbókinni nema fyrir tímabilið og viðhaldsatriði þess tímabils. Stærri viðgerðir er best að láta sérþjálfaða menn eða Cat umboðið um. Cat umboðið býður upp á margs konar lausnir varðandi yfirhalningaráætlanir. Ef alvarleg vélarbilun verður býður Cat umboðið einnig fjölbreyttar lausnir varðandi yfirhalningu eftir viðgerð. Hafið samband við Heklu hf varðandi þessar lausnir.
Reglugerð Kaliforníuríkis nr 65 Aðvörun
Útblástur dísilvéla og ýmsir efnisþættir hans veldur krabbameini, fæðingargöllum og öðrum æxlunarskaða að mati Kaliforníuríkis.
Rafgeymar og tengdir hlutir innihalda blý og blýsambönd. Þvoið hendur eftir meðhöndlun.