Hlutfall eldsneytiseyðslu og vinnustunda
Reynslan hefur sýnt að viðhaldstímabil er best að byggja á eldsneytisnotkun. Eldsneytisnotkun sýnir vélarálagið á nákvæmari hátt. Tafla 1 sýnir meðaltalssvið eldsneytiseyðslu og vinnustunda fyrir C32 aflvélina.
Viðhaldsáætlun | ||||
Eldsneytiseyðsla fyrir C32 ACERT almennar dísilaflvélar(1) | ||||
Tímabil | Lagskipting | |||
A | B | C | D | |
250 vinnustundir | |
|
|
|
500 vinnustundir | |
|
|
|
1.000 vinnustundir | |
|
|
|
2.000 vinnustundir | |
|
|
|
3.000 vinnustundir | |
|
|
|
(1) | Eldsneytisnotkun er byggð á álagsstuðli upp á um það bil 60 prósent. |
Viðhaldsmillibil verður að minnka fyrir aflvélar sem eru notaðar við harkaleg vinnuskilyrði og fyrir aflvélar sem eru notaðar við aðra skilgreiningu á uppgefnu afli.
Harkaleg vinnuskilyrði geta flýtt fyrir sliti á íhlutum. Aflvélar sem eru notaðar við harkaleg vinnuskilyrði geta þurft tíðari viðhaldstímabil af eftirfarandi ástæðum:
- Vegna hámarks áreiðanleika
- Til að ná fullri endingu
Notkun við harkaleg vinnuskilyrði er notkun sem fer umfram núverandi birta staðla fyrir þá aflvél. Caterpillar viðheldur stöðlum fyrir eftirfarandi færibreytur aflvélarinnar:
- Hestöfl
- Snúningshraðasvið
- Eldsneytisnotkun
- Gæði eldsneytis
- Hæð yfir sjávarmáli
- Viðhaldstímabil
- Val á smurolíu
- Val á kælivökva
- Gæði umhverfisaðstæðna
- Uppsetning
Miðið við staðla fyrir þína aflvél eða leitið ráða hjá söluaðila Caterpillar til að ákvarða hvort notkun þinnar aflvélar er innan skilgreindra færibreyta.
Vegna einstakrar notkunar er ekki hægt að greina alla þætti sem geta stuðlað að harkalegum vinnuskilyrðum. Leitið ráða hjá söluaðila Caterpillar hvað varðar nauðsynlegt viðhald fyrir þá aflvél sem um ræðir.
Neðangreindir þættir geta leitt til harkalegrar notkunar: umhverfisaðstæður, rangar notkunaraðferðir og rangar viðhaldsaðferðir.
Mjög hátt eða mjög lágt umhverfishitastig
Notkun um lengri tíma í umhverfi sem þekkt er fyrir mikinn kulda eða hita getur skemmt íhluti. Íhlutir ventla geta skemmst með uppsöfnun kolefnis ef aflvélin er gangsett og stöðvuð í umhverfi sem þekkt er fyrir mikinn kulda. Mjög heitt inntaksloft dregur úr afkastagetu aflvélarinnar.
Athugið Sjá þessa notkunar- og viðhaldshandbók, "Notkun í köldu veðri" (í notkunarkaflanum) eða Supplement, SEBU5898, "Cold Weather Recommendations" (viðauki um tilmæli um notkun í köldu veðri).
Langvarandi notkun í skítugu og rykugu umhverfi getur valdið skemmdum á íhlutum ef búnaðurinn er ekki hreinsaður reglulega. Uppsöfnuð leðja, drulla og ryk geta umlukið íhluti. Framangreind atriði geta gert viðhald erfitt. Uppsöfnuð efni geta innihaldið ætandi íðefni. Ætandi íðefni og salt getur valdið skemmdum á sumum íhlutum.
- Notkun til lengri tíma í hægum lausagangi
- Kælingartími eftir notkun með háum hleðslustuðli hafður í lágmarki
- Notkun aflvélarinnar fer fram úr viðmiðum fyrir afköst hennar
- Notkun aflvélarinnar við meira álag en gefið er upp fyrir hana
- Notkun aflvélarinnar á meiri hraða en gefinn er upp fyrir hana
- Notkun aflvélarinnar í aðstæðum sem ekki eru samþykktar
- Of langur tími látinn líða á milli viðhalds
- Notkun á eldsneyti, smurefni og kælivökva sem ekki er mælt með
Athugunarefni varðandi endurbyggingu
Á meðal mikilvægra þátta við skipulagningu tíma á milli endurbygginga eru eftirfarandi:
- Árangur fyrirbyggjandi viðhalds
- Notkun ráðlagðra smurefna
- Notkun ráðlagðra kælivökva
- Notkun ráðlagðs eldsneytis
- Rétt uppsetning
- Vinnuskilyrði
- Vinna innan æskilegra marka
- Álag á aflvél
- Snúningshraði aflvélar
- Notkun á vökvagreiningum S·O·S þjónustu
Almennt séð endast aflvélar sem keyrðar eru á minna álagi og/eða snúningshraða lengur áður en þörf er á endurbyggingu. Að ná fram meiri endingartíma fyrir endurbyggingu er fyrir aflvélar sem eru notaðar rétt og fá rétt viðhald.
Einnig þarf að horfa til annarra þátta þegar taka þarf ákvörðun um viðamikla endurbyggingu:
- Heildareldsneytisnotkun
- Vinnustundir aflvélarinnar
- Aukin olíunotkun
- Aukinn hjáblástur í sveifarhúsi
- Niðurstöður greiningar á slitmálmum í smurolíu
- Aukinn hávaði og titringur
Aukning á slitmálmum í smurolíunni er vísbending um að viðgerða sé þörf á legum og yfirborði þar sem slit á sér stað. Aukinn hávaði og titringur eru vísbendingar um að viðgerða sé þörf á snúningsíhlutum.
Athugið Hugsanlega er hægt að mæla minnkun á slitmálmum í smurolíunni með olíugreiningu. Hugsanlega eru strokkslífarnar slitnar og því slípast strokkurinn til. Aukin notkun á smurolíu mun einnig þynna út slitmálmana.
Auka skal eftirlit með aflvélinni eftir því sem vinnustundum hennar fjölgar. Leitið upplýsinga hjá söluaðila Caterpillar um hvernig á að framkvæma viðamikla endurbyggingu.
Athugið Mögulega þarf einnig að gera við búnaðinn sem er keyrður þegar endurbygging á aflvélinni fer fram. Sjá handbók frá framleiðanda varðandi búnaðinn sem er keyrður.
Tími á milli endurbygginga sem byggður er á eldsneytisnotkun
Reynslan hefur sýnt að millibil fyrir endurbyggingu er best að byggja á eldsneytisnotkun. Eldsneytisnotkun sýnir vélarálagið á nákvæmari hátt.
Tími á milli endurbygginga(1) | ||
Tímabil | Eldsneytisnotkun | Vinnustundir |
Efri hluti | |
10000 |
Stórfelld | |
20000 |
(1) | Notið það tímabil sem fyrr kemur. |
Tími á milli endurbygginga sem byggður er á olíunotkun
Upplýsingar um olíunotkun, eldsneytisnotkun og viðhald má nota til að áætla rekstrarkostnað í heild fyrir Caterpillar-aflvélina. Einnig má nota upplýsingar um olíunotkun til að áætla nauðsynlegt rúmtak viðbótarolíugeymis sem hentar fyrir viðhaldsmillibilið.
Olíunotkun er í hlutfalli við prósentutölu uppgefins álags á aflvélina. Þegar prósentutala álags á aflvélina er hækkuð eykst einnig magn þeirrar olíu sem notuð er á klukkustund.
Olíunotkun (miðað við snúningshraða og álag (BSOC)) er mæld í grömmum á kílóvattstund (lb/bhp). Olíunotkun miðað við snúningshraða og álag fer eftir álagi á aflvélina. Hafið samband við söluaðila Caterpillar til að fá aðstoð við að ákvarða dæmigerða olíunotkun fyrir aflvélina.
Þegar olíunotkun aflvélar hefur aukist í þrefalda upphaflega olíunotkun sökum eðlilegs slits ætti að áætla endurbyggingu á aflvélinni. Hugsanlega verður samsvarandi aukning á þrýstileka og lítilleg aukning eldsneytisnotkunar.
Áætluð endurbygging fyrir bilun gæti verið ákjósanlegur kostur af eftirtöldum ástæðum:
- Hægt er að koma í veg fyrir kostnað sem hlýst af ófyrirséðri stöðvun aflvélarinnar.
- Hægt er að endurnýta marga upprunalega hluti samkvæmt stöðlum fyrir endurnýtanlega hluti.
- Hægt er að auka endingu aflvélarinnar án þess að hætta sé á alvarlegum óhöppum vegna vélarbilunar.
- Hægt er að ná besta hlutfallinu milli kostnaðar og virðis á hverja klukkustund aukinnar endingar.
Ef meiriháttar vélarbilun verður og taka verður aflvélina úr eru margir kostir tiltækir. Framkvæma ætti endurbyggingu ef gera þarf við strokkstykkið eða sveifarásinn.
Ef hægt er að gera við strokkstykkið og/eða hægt er að gera við sveifarásinn ætti kostnaðurinn við endurbyggingu að vera á milli 40 og 50 prósent af kostnaði við nýja aflvél með svipuðum útskiptanlegum kjarna.
Þrjú atriði skila þessum lækkaða kostnaði:
- Sérstaklega hannaðir eiginleikar Caterpillar-aflvéla
- Varahlutir frá söluaðila Caterpillar
- Endurnýttir varahlutir frá Caterpillar Inc.
Athuga skal styrkleika íblöndunarefnis fyrir kælivökva reglulega með prófunarsettum eða með S·O·S kælivökvagreiningu (1. stig). Mælt er með frekari kælivökvagreiningu þegar unnið er að endurbyggingu á aflvélinni.
Hægt er að gera kælivökvagreiningu til þess að staðfesta ástand vatnsins sem notað er í kælikerfinu. Hægt er að fá fulla vatnsgreiningu í samráði við viðkomandi vatnsveitu eða landbúnaðarráðunaut. Einnig er hægt að fá vatnsgreiningu hjá einkarannsóknarstofum.
Caterpillar Inc. mælir með S·O·S kælivökvagreiningu (2. stig).
S·O·S kælivökvagreining (2. stig)
S·O·S kælivökvagreining (2. stig) er alhliða kælivökvagreining sem greinir kælivökvann og áhrif hans á kælikerfið ítarlega. S·O·S kælivökvagreining (2. stig) veitir eftirfarandi upplýsingar:
- Heildstæð S·O·S kælivökvagreining (2. stig)
- Sjónræna skoðun á eiginleikum
- Greiningu á málmtæringu
- Greiningu á mengunarefnum
- Greiningu á uppsöfnuðum óhreinindum (tæringu og útfellingum)
S·O·S kælivökvagreining (2. stig) býður upp á skýrslu um niðurstöður bæði úr greiningunni og tilmælum um viðhald.
Frekari upplýsingar er að finna í Special Publication, SEBU6251, "Caterpillar Commercial Diesel Engine Fluids Recommendations (Sérriti með ráðleggingum um almenna vökva á dísilvélar)" eða hafið samband við söluaðila Caterpillar.
Sjá þessa notkunar- og viðhaldshandbók, "Endurbygging (efri hluti)" varðandi lista yfir íhluti sem koma við sögu vegna endurbyggingar efri hluta. Sjá þessa notkunar- og viðhaldshandbók, "Endurbygging (stórfelld)" varðandi lista yfir íhluti sem koma við sögu vegna stórfelldrar endurbyggingar.