C32 Auxiliary Engine Caterpillar

Viðhaldstímabil eftirkælis fer eftir því umhverfi sem skipið er í og vinnslutíma. Sjórinn sem fer í gegnum eftirkælinn og notkunartími skipsins hefur áhrif á eftirfarandi atriði:

• Hversu hreinar leiðslurnar í eftirkælinum eru

• Skilvirkni eftirkælisins

Notkun í vatni sem inniheldur leðju, botnfall, salt, þörunga og þess háttar mun hafa skaðleg áhrif á kerfi eftirkælis. Einnig mun óregluleg notkun skipsins hafa skaðleg áhrif á eftirkælinn.

Eftirfarandi atriði gefa til kynna að ef til vill þurfi að hreinsa eftirkælinn:

• Aukinn hiti kælivökva

• Vél ofhitnar

• Mikið þrýstingsfall milli vatnsinntaks og vatnsúttaks

Stjórnandi sem þekkir eðlilegt hitastig kælivökva við notkun getur skorið úr um það þegar hitastig kælivökvans er utan eðlilegra marka. Ef vélin ofhitnar þarf að skoða eftirkælinn og gera við hann.

Söluaðili Cat er með búnaðinn og þjálfað starfsfólk til að mæla þrýstingsfall í eftirkælinum.

Sjá notkunar- og viðhaldshandbókina, "Kjarni millikælis – þrif/prófun". Frekari upplýsingar um þjónustu á eftirkæli fást hjá söluaðila Cat.