3500 Generator Sets Caterpillar

• Notkun vélar

• Stærð olíupönnunnar

• Gerð eldsneytis

• Gerð olíu

• Loftlagsskilyrðum

• Hlutfalli lofts/eldsneytis

S.O.S. olíugreiningin greinir notaða olíu til að ákvarða hvort tími milli olíuskipta er hæfilegur fyrir þessa tilteknu gerð aflvélar. Ef S·O·S olíugreining er ekki til taks skal skipta um olíu og olíusíur í samræmi við tímann sem gefinn er upp í töflu 1.

Show/hide table

Heit olía og heitir vélarhlutar veta valdið meiðslum. Ekki láta heita olíu eða heita vélarhluta komast í snertingu við húð.

Olían tæmd

Ekki tappa olíu af aflvélinni þegar hún er köld. Þegar olían kólnar setjast uppleyst óhreinindi í botn olíupönnunnar. Óhreinindi eru ekki fjarlægð þegar kaldri olíu er tappað af. Tappið af sveifarhúsinu á meðan olían er heit. Þessi aðferð skilar viðeigandi útskolun óhreininda sem fljóta í olíunni.

Ef þessum tilmælum er ekki fylgt fara óhreinindin aftur í gegnum smurkerfi aflvélarinnar með nýju olíunni.

1. Drepið á aflvélinni eftir að hún hefur verið keyrð á eðlilegum ganghita.
   Show/hide table

   TILKYNNING
   Gæta verður þess að tryggja að vökvar séu geymdir meðan á framkvæmd eftirlits, viðhalds, prófunar, stillingar og viðgerðar á vörunni stendur. Vertu undir það búin(n) að safna vökvanum í hentug ílát áður en einhver hólf eru opnuð eða einhver íhlutur sem inniheldur vökva er tekinn sundur. Sjá Sérrit, NENG2500, "Vörulisti þjónustuverkfæra Caterpillar-umboðs" vegna verkfæra og aðfanga sem hentug eru til að safna og innihalda vökva úr Cat vörum. Fargaðu öllum vökvum í samræmi við staðarreglugerðir og tilskipanir.

2. Tappið olíunni af í samræmi við búnaðinn á aflvélinni.
   Show/hide table

   Skýringarmynd 1	g01410768
   (1) Olíuafrennsli

   1. Opnið olíuafrennslið (1). Lokið olíuafrennslinu þegar búið er að tappa olíunni af.

   2. Ef sogbúnaður er settur í pönnuna þarf að tryggja að hann sé hreinn. Þetta er gert til að koma í veg fyrir að óhreinindi komist í olíupönnuna. Gætið þess að lemja ekki í smurolíusogslöngurnar eða stimplakælibúnaðinn.

   3. Ef notaður er sogbúnaður sem festur er við olíuafrennslið þarf að ganga úr skugga um að hann sé hreinn. Tengið sogbúnaðinn við olíuafrennslið. Opnið olíuafrennslið. Lokið fyrir olíuafrennslið eftir að búið er að tappa olíunni af og fjarlægið sogbúnaðinn.

   4. Ef olíuafrennslislokinn er með “hraðtengi” skal tengja við það. Opnið fyrir afrennslislokann til að tappa af sveifarhúsinu. Lokið fyrir afrennslislokanum eftir að búið er að tappa olíunni af. Aftengið tengið.

3. Skiptið um olíusíur áður en nýrri olíu er hellt á sveifarhúsið.

Skipt um olíusíur

Skiptið um smurolíusíur við eitthvert eftirfarandi atriða:

• Við olíuskipti

• Þrýstingsmunur smurolíusíu nær 103 kPa (15 psi).

Athugið Ekki hreinsa notaðar olíusíur. Óhreinindi eru föst í notuðum olíusíum og þær sía olíu ekki nógu vel.

Hægt er að fá sérverkfæri fyrir olíusíur. Upplýsingar um heiti hluta og hlutarnúmer fást hjá söluaðila Caterpillar. Fylgið leiðbeiningunum sem fylgja sérverkfærunum. Ef sérverkfæri eru ekki notuð skal fylgja eftirfarandi verkferli.

Skipt um smurolíusíur með dautt á aflvél

Gerið eftirfarandi eftir að olíunni hefur verið tappað af.

Athugið Notið þetta verkferli ef smurolíusían er ekki með stjórnloka.

Skýringarmynd 2	g01410770
(2) Boltar (3) Hlíf (4) Tappi (5) Aftöppunarloki

Athugið Látið glussann renna í hentugt ílát. Fargið olíunni í samræmi við gildandi reglur á hverjum stað.

1. Tengið slöngu við afrennsli (1). Komið hinum enda slöngunnar fyrir í hentugu íláti til að safna olíunni saman.

2. Opnið afrennslisloka (5). Fjarlægið tappa (4). Tappið olíunni af. Hreinsið tappann og setjið hann aftur í. Skrúfið fyrir afrennslislokann. Fjarlægið slönguna af afrennslinu.

   Athugið Einhver olía situr eftir í húsinu eftir að henni hefur verið tappað af. Þessi olía streymir úr húsinu þegar hlífin (3) er tekin af. Hafið hentugt ílát tilbúið til að láta olíuna renna í. Þrífið olíu sem hellist niður með rakadrægum klútum eða púðum. EKKI nota rakadrægar agnir til að þrífa olíuna.

   Show/hide table

   Líkamstjón getur hlotist af hlutum og/eða lokum sem eru undir fjaðurpressu. Fjaðurkraftur losnar þegar lok eru fjarlægð. Verið viðbúin að halda lokum undir fjaðurpressu þegar losað er um bolta.

3. Mögulega er gormur undir hlíf olíusíunnar. Hafið gætur á gorminum. Losið rólega án þess að taka boltana (2) úr. Áður en boltarnir eru teknir úr skal losa hlífina (3) eða banka á hana með gúmmíhamri til að losa spennu úr gorminum. Fjarlægið hlíf (3).
   Show/hide table

   Skýringarmynd 3	g01410771
   Þversnið af smurolíusíunni (6) Hlíf (7) O-hringsþétti (8) Gormur (9) Splitti (10) Olíusía

4. Fjarlægið hlíf (6) og gorm (8). Fjarlægið O-hringsþétti (7), splitti (9) og olíusíu (10).

5. Hreinsið hlíf (6), gorm (8), O-hringsþétti (7) og splitti (9). Hreinsið síuhúsið að innan.
   Show/hide table

   TILKYNNING
   Caterpillar olíusíur eru gerðar eftir lýsingum Caterpillar. Notkun olíusíu sem ekki er mælt með af Caterpillar gæti valdið alvarlegum skemmdum á legum vélarinnar, sveifarási o.s.frv., vegna þess að stærri agnir óhreininda úr ósíaðri olíu kæmust inn í smurkerfi vélarinnar. Notið eingöngu olíusíur sem mælt er með af Caterpillar.

6. Gangið úr skugga um að nýja olíusían sé í góðu ástandi. Setjið nýju olíusíuna á sinn stað.

7. Skoðið O-hringsþéttið (7). Gangið úr skugga um að yfirborð séu hrein þar sem setja á O-hringsþétti. Setjið upp nýjan O-hringsþétti ef eldri O-hringsþéttir er skemmdur eða slitinn.

8. Setjið splitti (9), gorm (8) og hlíf (6) á. Tryggið að splittið og gormurinn séu rétt sett í á milli olíusíunnar og hlífarinnar.

9. Gangsetjið aflvélina í samræmi við verkferlið í notkunar- og viðhaldshandbókinni, "Gangsetning aflvélarinnar" (notkunarkafli). Horfið eftir olíuleka.

Skipt um smurolíusíur með aflvél í gangi

Ef aflvélin er búin tveimur olíusíum er hægt að skipta um eldneytissíur á meðan aflvélin er í gangi. Þetta kemur sér vel ef skipta þarf oftar um olíusíur en smurolíu.

Show/hide table

Ef skipt er um síuna við mikla hreyfingu lofts getur eldfim gufa myndast. Eldfima gufan getur valdið meiðslum eða banaslysum. Ef mikil hreyfing lofts er til staðar skal stöðva aflvélina til að skipta um síuna.

Show/hide table

Sía inniheldur heitan vökva undir þrýstingi þegar aflvélin er í gangi. Fylgið leiðbeiningum á stjórnloka til að forðast meiðsli.

1. Snúið stjórnlokanum á "AUX RUN" til að skipta um aðalolíusíuna. Snúið stjórnlokanum á "MAIN RUN" til að skipta um aukaolíusíuna.

2. Bíðið þar olíuþrýstingsmælir síunnar sem á að skipta um hefur fallið niður í "NÚLL".

3. Framkvæmið það sem lýst er í skrefum 1 til 8 í "Skipt um smurolíusíur með dautt á aflvél".

4. Opnið lokann "FILL" (áfylling) í minnst fimm mínútur til að fylla nýju olíusíuna.

5. Lokið lokanum "FILL" (áfylling). Snúið stjórnlokanum á stöðuna "RUN" (keyra) fyrir þá olíusíu sem skipt var um.

Notaðar olíusíur skoðaðar

Opnið notuðu olíusíuna með hníf. Fjarlægið málmklæðninguna. Skerið síuna af endunum. Flettið í sundur fellingunum og leitið eftir málmflísum í olíusíunni. Mikið af flísum í olíusíunni kann að benda til ótímabærs slits eða yfirvofandi bilunar.

Notið segul til að greina á milli málma með járni og annarra málma í olíusíunni. Málmar með járni kunna að benda til slits í stál- og steypujárnshlutum aflvélarinnar. Járnlausir málmar kunna að veita vísbendingu um slit í álhlutum, látúnshlutum og bronshlutum aflvélarinnar. Á meðal hluta sem hér um ræðir kunna að vera: aðallegur, stangarlegur, legur í forþjöppu og strokklok.

Álflísar kunna að benda til vandamála í fremri tannhjólasamstæðu. Ef álflísar eru til staðar skal skoða titringsdeyfi sveifaráss og legur í lausahjóli að framan.

Eðlilegt slit og núningur kunna að valda örlitlu af óhreinindum í olíusíunni. Ef mikil óhreinindi eru í síunni skal leita til söluaðila Caterpillar vegna frekari olíugreiningar.

Fyllt á sveifarhúsið

1. Fjarlægið olíuáfyllingarlokið. Aðeins skal fylla á sveifarhúsið í gegnum olíuáfyllingarrörið. Frekari upplýsingar um hversu mikla olíu á að nota eru í notkunar- og viðhaldshandbók, "Rúmtak áfyllingar og tilmæli" (viðhaldskafli). Hreinsið olíuáfyllingarlokið. Setjið áfyllingartappann á.
   Show/hide table

   TILKYNNING
   Til að koma í veg fyrir skemmdir á sveifarás eða legum, startið vélinni með skrúfað fyrir eldsneyti til að fylla allar síur áður en sett er í gang. Ekki starta vélinni lengur en í 30 sekúndur.

2. Lokið fyrir aðveituleiðslu eldsneytis og gangsetjið aflvélina þar til olíuþrýstingsmælirinn sýnir 70 kPa (10 psi). Opnið fyrir aðveituleiðslu eldsneytis. Leyfið startaranum að kólna í tvær mínútur áður en gangsett er á ný.

3. Fylgið verklaginu í notkunar- og viðhaldshandbókinni, "Gangsetning aflvélarinnar" (notkunarkafli). Látið vélina ganga í hægum lausagangi í tvær mínútur. Þetta tryggir að olía flæði um smurkerfið og olíusíur fyllist. Leitið eftir olíuleka á aflvélinni. Tryggið að olíustaðan sé við kvarðann "FULL" (fullt) á þeirri hlið olíukvarðans sem merkt er "LOW IDLE" (hægur lausagangur).

4. Drepið á aflvélinni og leyfið olíunni að leka aftur niður í pönnuna í að minnsta kosti tíu mínútur.

5. Takið olíumælinn úr og skoðið olíuhæðina Haldið olíunni við kvarðann "FULL" (fullt) á þeirri hlið olíukvarðans sem merkt er "ENGINE STOPPED" (dautt á aflvél).