3126B Marine Engine Caterpillar

Show/hide table

EKKI NOTA ETER (gangsetningarvökva) nema slíkt sé sérstaklega tekið fram. Ef aflvélin er búin hitara inntakslofts (rafknúinn eða soggreinarhitara með eldsneytiskveikju) skal EKKI nota eter (gangsetningarvökvi). Notkun eters kann að valda skemmdum á aflvél og/eða meiðslum.

Athugið Finna má gaumljós merkt "AIR INLET HEATER" (hitari inntakslofts).

Sjá frekari upplýsingar um notkun hitara inntakslofts (ef hann er til staðar) í Notkun kerfis, "Loftinntak og -úttak".

Upplýsingar um viðkomandi gerð stjórntækja er að finna í notendahandbókinni frá framleiðanda. Notið eftirfarandi aðferð til að gangsetja vélina:

1. Setjið gírkassann í HLUTLAUSAN. Aftengið kúplingu kasthjólsins til að auka gangsetningarhraða aflvélarinnar. Þetta dregur einnig úr álagi á rafgeyminn.

2. Snúið svissinum í stöðuna ON (KVEIKT). Hitari inntakslofts getur forhitað kerfið til að auðvelda gangsetningu í köldu veðri.

   Athugið Gaumljósið "AIR INLET HEATER" (hitari inntakslofts) blikkar í tvær sekúndur að lágmarki óháð hitastigi kælivökvans. Ef gaumljósið "AIR INLET HEATER" (hitari inntakslofts) blikkar lengur en í tvær sekúndur skal bíða þangað til gaumljósið hættir að blikka (um það bil 30 sekúndur) áður en reynt er að gangsetja aflvélina. Þetta er forhitunarlotan. Ef gaumljósið heldur áfram að blikka stjórnar stjórntölvan hitara inntakslofts þegar aflvélin er endurræst. Endurtekin gangsetning á þessu augnabliki getur valdið miklum hvítum reyk.

3. Ýtið á gangsetningarhnappinn eða snúið svissinum á GANGSETNINGARSTÖÐU til að gangsetja aflvélina. KVEIKT er á hitara inntakslofts ef hitastig kælivökva er undir 49 °C (120 °F). Ekki beita inngjöfinni á meðan aflvélin er sett í gang. Kerfið veitir sjálfkrafa réttu magni eldsneytis inn í aflvélina til að gangsetja hana. Ef aflvélin fer ekki í gang eftir 15 til 20 sekúndur þarf að sleppa svissinum. Ef hitastig kælivökva er undir 49 °C (120 °F) er forhitunarlota hitara inntakslofts endurtekin. Snúið svissinum í stöðuna OFF (slökkt). Leyfið startaranum að kólna í tvær mínútur. Endurtakið skref 1 og 2.

   Ekki beita inngjöfinni á meðan aflvélin er sett í gang. Kerfið veitir sjálfkrafa réttu magni eldsneytis inn í aflvélina sem þarf til að gangsetja hana.

   Athugið Ljósið "CHECK ENGINE/DIAGNOSTIC" (skoða aflvél/greiningarkóða) kann að kvikna eftir að aflvélin hefur verið gangsett. Ef það gerist hefur stjórntölvan skynjað vandamál í kerfinu. Frekari upplýsingar um greiningu aflvélar er að finna í notkunar- og viðhaldshandbók, "Blikkandi bilunarkóði sóttur (notkunarkafli)".

4. Sleppið svissinum í stöðuna KVEIKT eða Í GANGI um leið og aflvélin fer í gang. Eftir að aflvélin fer í gang þarf að tryggja að gírskiptingin sé enn í HLUTLAUSRI stöðu.

   Eftir að aflvélin er komin í gang kann hitari inntakslofts að halda áfram að starfa "samfellt" og/eða með "hléum". "Samfelld" stilling getur verið virk í fimm mínútur og stilling með "hléum" getur verið virk í 15 mínútur. SLÖKKT er á hitara inntakslofts þegar hitastig kælivökva fer upp fyrir 49 °C (120 °F).

   Show/hide table

   TILKYNNING
   Olíuþrýstingur ætti að aukast innan 15 sekúndna frá því að aflvélin er gangsett. Ekki auka snúningshraða aflvélarinnar fyrr en olíuþrýstingsmælirinn sýnir eðlilegan þrýsting. Ef mælirinn sýnir engan olíuþrýsting innan 15 sekúndna má EKKI láta aflvélina ganga. DREÐIÐ Á aflvélinni, skoðið hana og leiðréttið orsökina.

5. Látið aflvélina ganga í lausagangi í þrjár mínútur. Látið aflvélina ganga í lausagangi þangað til vatnshitamælirinn byrjar að stíga. Skoðið alla mæla meðan á upphitun stendur.

   Aflvélin nær venjulegum ganghita fyrr þegar hún er keyrð með minnkuðu afli heldur en með engu afli. Þegar aflvélin gengur í lausagangi í köldu veðri þarf að auka snúningshraða hennar í um 1000 til 1200 sn./mín. Þetta hitar aflvélina hraðar upp. Farið ekki yfir ráðlagðan snúningshraða til að reyna að hita aflvélina hraðar upp. Takmarkið óþarfan lausagang við tíu mínútur.

   Athugið Mælt er með því að keyra aflvélina undir 1800 sn./mín. þar til hitastig kælivökva nær 180 °F (82 °C).

   Athugið Á mælaborðinu eiga mælar að sýna eðlilegan olíuþrýsting og eldsneytisþrýsting. Ekki auka álag á aflvélina eða auka snúningshraða hennar fyrr en olíuþrýstingsmælirinn sýnir að minnsta kosti eðlilegan þrýsting. Leitið eftir leka og hlustið eftir óeðlilegum hljóðum í aflvélinni.