TILKYNNING |
---|
Gæta verður þess að tryggja að vökvar séu geymdir meðan á framkvæmd eftirlits, viðhalds, prófunar, stillingar og viðgerðar á vörunni stendur. Vertu undir það búin(n) að safna vökvanum í hentug ílát áður en einhver hólf eru opnuð eða einhver íhlutur sem inniheldur vökva er tekinn sundur. Í Special Publication, NENG2500, "Cat Dealer Service Tool Catalog - Sérriti fyrir þjónustuverkfæravörulista söluaðila Cat" eða Special Publication, PECJ0003, "Cat Shop Supplies and Tools Catalog - Sérriti um birgðir í Cat-verslunum og verkfæravörulista" eru leiðbeiningar varðandi verkfæri og áhöld sem henta til að safna og geyma vökva úr búnaði frá Cat. Fargaðu öllum vökvum í samræmi við staðarreglugerðir og tilskipanir. |
Gæði eldsneytis eru mikilvæg fyrir afköst og endingu aflvélarinnar. Vatn í eldsneytinu getur valdið óhóflegu sliti á eldsneytiskerfinu. Rakaþétting verður þegar eldsneyti hitnar og kólnar. Rakaþéttingin verður þegar eldsneytið fer gegnum eldsneytiskerfið og kemur aftur í eldsneytisgeyminn. Þétting veldur uppsöfnun vatns í eldsneytisgeymum. Ef tappað er af eldsneytisgeyminum reglulega og notað er eldsneyti frá áreiðanlegum aðilum hjálpar það til við að útiloka vatn í eldsneytinu. Á eldsneytisgeyminum er loftunarop til að koma í veg fyrir loftpoka eða lofttæmi. Tryggið að loftunaropið sé hreint og óskemmt.
Á eldsneytisgeymum ættu að vera einhverjar ráðstafanir til að tappa vatni og botnfalli af botni eldsneytisgeymanna.
Gerið klárt viðeigandi ílát fyrir vatn og botnfall. Tengið slöngu (ef með þarf) við lokann áður en hann er opnaður.
Opnið fyrir afrennslislokann neðan á eldsneytisgeyminum til þess að tappa vatni og botnfalli af. Skrúfið fyrir afrennslislokann.
AthugiĆ° Ef ekki er lokað fyrir afrennslislokann getur loft komist inn á kerfið og dregið úr afköstum.
Athugið eldsneytið daglega. Tappið vatni og botnfalli af eldsneytisgeyminum eftir notkun aflvélarinnar. Tappið vatni og botnfalli af eldsneytisgeyminum eftir að fyllt hefur verið á geyminn. Bíðið í fimm til tíu mínútur áður en þetta ferli er framkvæmt.
Fyllið á eldsneytisgeyminn eftir notkun aflvélarinnar til þess að losna við rakt loft. Þetta ferli er gagnlegt til að koma í veg fyrir rakaþéttingu. Ekki fylla geyminn til fulls. Eldsneytið þenst út þegar það hitnar. Yfirflæði getur orðið í geyminum.
Á sumum eldsneytisgeymum eru lóðrétt rör sem valda því að vatn og botnfall sest fyrir neðan endann á eldsneytisrörinu. Á sumum eldsneytisgeymum eru fæðileiðslur sem sækja eldsneyti beint á botn geymisins. Ef aflvélin er búin þessu kerfi er reglubundið viðhald á síu eldsneytiskerfisins mikilvægt.
Tappið vatni og botnfalli af eldsneytistankinum á eftirfarandi tímum:
- Árlega
- Olíuskipti
- Við áfyllingu geymisins
Ferlið er gagnlegt til að koma í veg fyrir að vatni eða botnfalli sé dælt úr geymslutankinum í eldsneytisgeymi aflvélarinnar. Einnig er mælt með fjögurra míkróna loftunarsíu fyrir eldsneytisgeyminn.
Ef fyllt hefur verið á tank eða hann hefur verið færður nýlega skal leyfa botnfallinu að setjast áður en fyllt er á eldsneytisgeymi aflvélarinnar. Fyrirstöður innan í tankinum hjálpa einnig til við að skilja botnfall frá. Síun eldsneytis sem dælt er úr geymslutankinum hjálpar til við að tryggja gæði eldsneytisins. Þegar því verður við komið skal nota vatnsskiljur.