3044C Industrial Engine Caterpillar

Mælt er með að þjöppuhús forþjöppunnar (inntaksmegin) sé skoðað og þrifið reglulega. Útblástursgufur frá sveifarhúsinu eru síaðar um loftinntakskerfið. Af þeim sökum geta aukaafurðir sem myndast í olíu og frá brennslu safnast fyrir í þjöppuhúsi forþjöppunnar. Þessi uppsöfnun getur til lengri tíma dregið úr afli aflvélarinnar, aukið útblástur svarts reyks og skert afkastagetu aflvélarinnar.

Ef forþjappan bilar á meðan aflvélin er í notkun getur það valdið skemmdum á þjöppuhjólinu og/eða aflvélinni. Ef þjöppuhjól forþjöppu skemmist getur það einnig leitt til skemmda á stimplum, ventlum og strokkloki.

Show/hide table

TILKYNNING
Bilun í túrbínulegu getur leitt til mikils olíuleka inn í loftinntak og útblásturskerfi. Smurolíuleki getur leitt til alvarlegra vélarbilana. Lítill leki í túrbínuhúsi á meðan á hægagangi um lengri tíma stendur ætti ekki að leiða til vandamála á meðan að ekki hafa komið upp bilanir í legum túrbínunnar. Þegar að verulega minnkuð vinnugeta fylgir bilun í túrbínulegu (útblástursreykur eða snúningshraði eykst við ekkert álag), hættið þá notkun þar til gert hefur verið við túrbínuna eða skipt verið um hana.

Skoðun á forþjöppunni getur lágmarkað ófyrirséð vinnutap vegna bilana. Skoðun á forþjöppunni dregur einnig úr hættunni á skemmdum á öðrum hlutum aflvélarinnar.

Athugið Íhlutir forþjöppu þurfa að hafa nákvæmlega mörkuð fríbil. Hylki forþjöppunnar þarf að jafnvægisstilla vegna mikils snúningshraða. Álagsnotkun getur flýtt fyrir sliti á íhlutum. Við álagsnotkun er mælt með tíðari skoðun á hylkinu.

Losun og uppsetning

Hafið samband við söluaðila Caterpillar til að fá upplýsingar um losun, uppsetningu og endurnýjun. Upplýsingar um verkferli og tæknilýsingar eru í þjónustuhandbók aflvélarinnar.

Þrif og skoðun

1. Fjarlægið útblástursleiðslur og loftinntaksleiðslur af forþjöppunni. Leitið eftir olíu á leiðslunum. Þrífið leiðslurnar að innan til að koma í veg fyrir að óhreinindi komist inn við samsetningu.

2. Snúið þjöppuhjólinu og hverfilhjólinu handvirkt. Snúningurinn ætti að vera áreynslulaus. Athugið hvort þjöppuhjólið og hverfilhjólið snerti forþjöppuhúsið. Ekki eiga að sjást merki um snertingu þjöppuhjóls eða hverfilhjóls við forþjöppuhúsið. Ef merki um snertingu þjöppuhjóls eða hverfilhjóls við forþjöppuhúsið eru sjáanleg þarf að endurstilla forþjöppuna.

3. Gangið úr skugga um að þjöppuhjólið sé hreint. Ef hjólið er aðeins óhreint blaðmegin er það merki um að óhreinindi og/eða raki sé fyrir hendi í loftsíukerfinu. Ef olía finnst aðeins á bakhlið hjólsins er hugsanlegt að olíuþétti forþjöppunnar hafi skemmst.

   Olíuleifar kunna að stafa af langvarandi notkun aflvélarinnar í hægum lausagangi. Olíuleifar kunna einnig að benda til þrengingar í loftinntaksleiðslunni (stíflu í loftsíum), en það veldur olíuleka úr forþjöppunni.

4. Leitið eftir tæringu í gati hverfilhússins.

5. Þrífið forþjöppuhúsið með hefðbundnum leysiefnum og mjúkum bursta.

6. Festið loftinntaks- og úttaksleiðslurnar við forþjöppuhúsið.