Leitið eftir leka og lausum tengingum í aflvélinni
Aðeins ætti að taka nokkrar mínútur að ganga í kringum aflvélina og skoða hana. Með því að gefa sér tíma til að framkvæma slíka skoðun má koma í veg fyrir dýrar viðgerðir og slys.
Til að hámarka endingartíma aflvélarinnar skal skoða vélarrýmið vandlega áður en aflvélin er ræst. Lítið eftir atriðum eins og: olíuleka, leka á kælivökva, lausum boltum, slitnum reimum og lausum tengingum. Gerið við eftir þörfum:
- Hlífarnar verða að vera á réttum stað. Gerið við skemmdar hlífar eða setjið nýjar hlífar ef þær vantar.
- Þurrkið af öllum lokum og töppum áður en viðhald á aflvélinni fer fram til þess að minnka líkurnar á að óhreinindi komist í kerfið.
| TILKYNNING |
|---|
|
Hreinsið upp alla vökva sem hafa lekið (kælivökva, olíu eða eldsneyti). Ef leki sést kannið hvar hann er og gerið við. Ef grunur er um leka skal athuga vökvahæð oftar en gert er ráð fyrir þar til lekinn finnst eða gert er við hann, eða þar til grunurinn reynist byggður á röngum forsendum. |
| TILKYNNING |
|---|
|
Uppsöfnuð feiti og/eða olía á vél eða yfirborði skapar eldhættu. Fjarlægið þessar agnir með gufuhreinsun eða háþrýstidælu. |
- Tryggið að kælivökvalagnir séu tryggilega festar. Leitið eftir leka. Athugið ástand allra leiðsla.
- Athugið olíuhæð í gírkassanum. Sjá tæknilýsingar frá framleiðanda gírkassa skipsins eða sjá tæknilýsingar frá framleiðanda skipsins.
- Leitið eftir kælivökvaleka í vatnsdælum.
Athugið Þétti vatnsdælunnar er smurt með kælivökva í kælikerfinu. Eðlilegt er að minniháttar leki eigi sér stað við kólnun aflvélar.
Mikill leki kælivökva getur bent til þess að skipta þurfi um þétti vatnsdælunnar. Upplýsingar um hvernig á að fjarlægja og setja upp vatnsdælur og/eða þétti þeirra eru í þjónustuhandbók aflvélarinnar eða fást hjá söluaðila Cat.
- Leitið eftir leka í smurkerfinu við fremra sveifarássþéttið, aftara sveifarássþéttið, olíupönnuna, olíusíurnar og lokahlífina.
- Horfið eftir leka í eldsneytiskerfinu.
- Athugið hvort sprungur og lausar klemmur eru á leiðslum loftinntakskerfisins og hnjám.
- Leitið eftir sprungum, sliti eða öðrum skemmdum á reim riðstraumsrafals og aukadrifreimum.
Þegar skipta þarf um reimar í reimhjólum með mörgum grópum þarf að skipta um allar reimarnar samtímis. Ef aðeins er skipt um eina reim lendir meira átak á þeirri reim en þeim sem ekki voru endurnýjaðar. Eldri reimarnar eru teygðar. Umframálagið sem nýja reimin tekur á sig getur valdið því að hún slitni.
- Tappið vatni og botnfalli af eldsneytisgeymum daglega til þess að tryggja að eingöngu ómengað eldsneyti fari inn í eldsneytiskerfið.
- Athugið hvort lausar tengingar og slitnir eða trosnaðir vírar eru í raflögnum og rafleiðslukerfi.
- Skoðið tengingar rafals.
- Athugið hvort jarðtenging er vel tengd og í fullnægjandi ástandi.
- Skoðið tengingar startara.
- Athugið hvort jarðtenging stjórntölvu er vel tengd og í fullnægjandi ástandi.
- Aftengið öll hleðslutæki rafgeyma sem ekki eru varin fyrir straumnotkun startmótors. Kannið ástand rafgeyma og stöðu rafvökva, nema aflvélin sé búin viðhaldsfríum rafgeymi.
- Kannið ástand mælanna. Skiptið um alla mæla sem eru með sprungum. Skiptið um mæla sem ekki er hægt að kvarða.