730C2 Articulated Truck Caterpillar

Show/hide table

Meiðsl geta hlotist af heitum kælivökva, gufu og alkalí. Við vinnuhita er kælivatnið heitt og undir þrýstingi. Vatnskassinn og allar leiðslur að miðstöðvum eða vélar innihalda heitan kælivökva eða gufu. Öll snerting getur orsakað bruna. Losið áfyllingarlokið varlega til að losa um þrýsting aðeins þegar dautt er á vélinni og vatnskassalokið er nægilega kalt til að snerta það með berum höndum. Ekki reyna að herða slöngutengi þegar kælivatnið er heitt, slangan getur losnað og valdið bruna. Íbótarefni kælivatns inniheldur alkalí. Forðist snertingu við húð og augu.

Skýringarmynd 1	g03513536

Vatnshitastillarnir eru tveir. Vatnshitastillishúsið er framan á aflvélinni, nálægt riðstraumsrafalinum.

Vatnshitastillishúsið þarf að taka af til að hægt sé að skipta um vatnshitastillana. Upplýsingar um hefðbundið verkferli eru í Disassembly and Assembly, UENR0131, "Water Temperature Regulator - Remove and Install" (sundurhlutun og samsetning: vatnshitastillir – fjarlægja og setja í).

Fjarlægja þarf riðstraumsrafalinn, festingu riðstraumsrafalsins og reimina. Fjarlægja þarf þessa íhluti til að hægt sé að fjarlægja vatnshitastillishúsið. Upplýsingar um hvernig skal fjarlægja þessa íhluti eru í Disassembly and Assembly, UENR0131 (sundurhlutun og samsetning).

Skiptið um vatnshitastilla þegar búið er að tappa af kælikerfinu eða þegar kælivökvahæð kælikerfisins er komin niður fyrir vatnshitastillishúsið.

Upplýsingar um aftöppun kælikerfisins eru í notkunar- og viðhaldshandbók, "Kælivökvi á kælikerfi – skipti".