C7.1 Marine Propulsion Engine Caterpillar

Framkvæmið nauðsynlegt daglegt viðhald og annað reglulegt viðhald áður en aflvélin er gangsett. Skoðið vélarrýmið. Slík skoðun getur komið í veg fyrir stórvægilegar viðgerðir síðar meir.

• Til að tryggja hámarksendingartíma aflvélarinnar skal skoða hana vandlega áður en hún er gangsett. Leitið eftir eftirfarandi atriðum: olíuleka, kælivökvaleka, lausum boltum og uppsöfnuðum óhreinindum. Fjarlægið rusl og látið framkvæma viðgerðir, ef með þarf.

• Leitið eftir sprungum og lausum klemmum á slöngum kælikerfisins.

• Leitið eftir sprungum, sliti eða öðrum skemmdum í riðstraumsrafal og aukadrifreimum.

• Leitið eftir lausum tengingum og slitnum og trosnuðum vírum í raflögnum.

• Athugið magn eldsneytis. Tappið vatni af vatnsskiljunni (ef hún er til staðar). Opnið eldsneytisloka.

Show/hide table

TILKYNNING
Allir lokar í bakflæðisleiðslu verða að vera opnir áður en aflvél er sett í gang og á meðan hún er í gangi, til að koma í veg fyrir mikinn eldsneytisþrýsting. Mikill eldsneytisþrýstingur getur valdið skemmdum á eldsneytiskerfi.

Ef aflvélin hefur ekki verið gangsett í nokkrar vikur kann eldsneyti að hafa lekið af eldsneytiskerfinu. Loft kann að hafa komist í síuhúsið. Einnig kann loft að sitja eftir í húsinu þegar skipt er um eldsneytissíur. Við slíkar aðstæður skal forgefa í eldsneytiskerfið. Frekari upplýsingar um forgjöf í eldsneytiskerfið eru í notkunar- og viðhaldshandbókinni, "Eldsneytiskerfi - gangsetning".

Show/hide table

Útblástur frá vélinni inniheldur brunalofttegundir sem geta verið hættulegar heilsu manna. Ræsið og notið vélina ávallt í vel loftræstu rými og, ef í lokuðu rými, leiðið útblásturinn út.

Athugið Notið ekki aflvélina ef meðvindur getur blásið vélarútblæstri inn í skipið.

• Ekki gangsetja aflvélina eða hreyfa við stjórntækjum hennar ef viðvörunarmiði sem segir "DO NOT OPERATE (NOTKUN BÖNNUÐ)" eða svipaðir viðvörunarmiðar eru festir við svissinn eða stjórntækin.

• Tryggið að öll svæði í kringum hluta sem snúast séu auð.

• Allar hlífar þurfa að vera á sínum stað. Leitið eftir skemmdum hlífum eða hlífum sem vantar. Gerið við skemmdar hlífar. Skiptið um skemmdar hlífar og/eða hlífar sem vantar.

• Aftengið þau hleðslutæki rafgeyma sem ekki eru varin gegn mikilli straumnotkun sem myndast þegar rafstartari (ef hann er til staðar) er tengdur. Kannið rafmagnssnúrur og leitið eftir lélegum tengingum og tæringu á rafgeymi.

• Endurstillið alla stöðvunaríhluti eða viðvörunaríhluti.

• Athugið smurolíuhæð vélar. Haldið olíuhæð á milli "ADD (BÆTA VIÐ)" kvarðans og "FULL (FULLUR)" kvarðans á olíumælinum.

• Athugið hæð kælivökva. Kannið hæð kælivökva í aftöppunarflösku kælivökva (ef hún er til staðar). Gætið þess að hæð kælivökva sé við kvarðann "FULL" (fullur) í aftöppunarflösku kælivökva.

• Ef aflvélin er ekki búin aftöppunarflösku kælivökva skal halda hæð kælivökva innan 30 mm (1.2 inch) frá neðri enda áfyllingarrörsins. Ef aflvélin er búin hæðarglasi skal halda hæð kælivökva við eðlilega hæð í hæðarglasinu.

• Aðgætið gátljós loftsíunnar (ef til staðar). Framkvæmið viðhald á loftsíunni þegar guli vísirinn fer inn á rauða svæðið eða þegar rauða bullan læsist þar sem hún sést.

• Opnið lokann sem tekur sjóinn inn á varmaskipti vatnskápu aflvélarinnar (ef hann er til staðar).

• Setjið gírkassa í skip í HLUTLAUSAN GÍR.