3176C and 3196 Marine Engines Caterpillar

Athugið Mögulega þarf ekki að hreinsa millikæli sem dælir ferskvatni eða hreinsuðu vatni jafnoft og millikæli sem dælir sjó. Viðhaldstíma millikælis sem dælir ferskvatni eða hreinsuðu vatni skal ákvarða þegar hann er hreinsaður og prófaður eftir fyrstu 1000 vinnustundirnar. Tíminn ræðst af vinnsluskilyrðum.

Millikæliskjarni hreinsaður

Fjarlægið kjarnann. Upplýsingar um aðferðina er að finna í Disassembly and Assembly Manual, "Aftercooler - Remove" (handbók um sundurhlutun og samsetningu: millikælir – fjarlægður).

1. Snúið kjarna millikælisins á hlið til að fjarlægja óhreinindi úr honum. Fjarlægið óhreinindi sem hægt er að ná til.
   Show/hide table

   TILKYNNING
   Notið ekki hátt hlutfall af ætandi hreinsiefni til að hreinsa kjarnann. Hátt hlutfall af ætandi hreinsiefni getur ráðist á innri málma kjarnans og valdið leka. Notið aðeins meðmælt hlutfall af hreinsiefni.

2. Skolið kjarnann með hreinsiefni.

   Caterpillar mælir með notkun Hydrosolv fljótandi hreinsiefnis. Tafla 1 sýnir fljótandi Hydrosolv-hreinsiefni sem fást hjá söluaðila Cat.

   Show/hide table

   Tafla 1

   Hydrosolv fljótandi hreinsiefni(1)
   Partanúmer	Lýsing	Stærð
   1U-5490	Hydrosolv 4165	19 L (5 US gallon)
   174-6854	Hydrosolv 100	19 L (5 US gallon)

   Show/hide table

   (1)	Notið tveggja til fimm prósenta lausn hreinsiefnisins við hitastig allt upp í 93°C (200°F). Fáið nánari upplýsingar hjá söluaðila Cat.

3. Gufuhreinsið kjarnann til að fjarlægja öll óhreinindi. Skolið blöðin á kjarna millikælisins. Fjarlægið öll önnur óhreinindi úr innanrýminu og af ytra byrði kjarnans.

   Athugið Notið ekki háþrýsting til að hreinsa kælirifin. Háþrýstingur getur valdið skemmdum á kælirifjunum.

4. Skolið kjarnann með heitu sápuvatni.

5. Skolið kjarnann vandlega til að fjarlægja leifar og óhreinindi sem eftir eru. Skolið kjarnann með hreinu, fersku vatni þar til vatnið sem kemur út úr kjarnanum er hreint og laust við óhreinindi.
   Show/hide table

   Þrýstiloft getur valdið meiðslum. Hætta er á meiðslum ef ekki er gætt að réttu verklagi. Gætið þess að vera með hlífðargrímu og í hlífðarfötum þegar þrýstiloft er notað. Hámarksþrýstingur skal vera lækkaður í 205 kPa (30 psi) þegar loftstúturinn er tómur.

6. Þurrkið kjarnann með þrýstilofti. Blásið í öfuga átt við eðlilegt streymi.

Millikæliskjarni prófaður

1. Leitið að föstum óhreinindum og kannið hversu hreinn kjarninn er. Fjarlægið óhreinindi og þrífið aftur, ef með þarf.

2. Leitið að skemmdum á kjarnanum og framkvæmið þrýstingspróf til að koma auga á leka. Mörg verkstæði sem gera við vatnskassa eiga þrýstiprófunarbúnað.

3. Lokið báðum endum millikæliskjarnans og beitið 205 kPa (30 psi) þrýstingi á kjarnann. Setjið kjarnann á kaf í vatn. Leitið eftir loftbólum frá kjarnanum. Loftbólurnar gefa leka til kynna.

4. Ekki gera við kjarnann verði vart við leka.

Setjið hreinan kjarna sem staðist hefur þrýstiprófun í í skrefi 3. Upplýsingar um aðferðina er að finna í Disassembly and Assembly Manual, "Aftercooler - Install" (handbók um sundurhlutun og samsetningu: millikælir – uppsetning).

Frekari upplýsingar um hreinsun kjarna fást hjá söluaðila Cat.