Til að koma í veg fyrir að neistar valdi íkveikju í eldfimum lofttegundum sem sumir rafgeymar gefa frá sér skal tengja mínuskapalinn "−" frá ytri aflgjafanum síðast í mínusskaut "−" startarans. Ef startarinn er ekki með mínusskaut "−" skal tengja startkapalinn við strokkstykkið.
Kannið daglega hvort raflagnir hafa losnað eða trosnað. Festið allar lausar raflagnir áður en aflvélin er gangsett. Gerið við allar trosnaðar raflagnir áður en aflvélin er gangsett. Sérstakar leiðbeiningar um gangsetningu er að finna í hlutanum “Gangsetning aflvélar” í þessari notkunar- og viðhaldshandbók.
Skýringarmynd 1 | g00771448 |
Dæmi Jarðtengipinni í jarðtengingu rafgeymis |
Skýringarmynd 2 | g00771487 |
Dæmi Aukajarðtengipinni í jarðtengingu rafgeymis |
Rétt jarðtenging rafkerfis aflvélarinnar er nauðsynleg til að ná hámarksafköstum aflvélar og áreiðanleika. Röng jarðtenging getur valdið óstýrðum rafrásum og óstöðugum rafrásum.
Óstýrðar rafrásir geta valdið skemmdum á aðallegum, yfirborði leguvölu í sveifarás og álíhlutum.
Aflvélar sem settar eru upp án jarðtenginga á milli aflvélar og grindar geta skemmst við úrhleðslu rafmagns.
Til að tryggja að aflvélin og rafkerfi aflvélarinnar vinni rétt þarf að jarðtengja á milli aflvélar og grindar með beinni tengingu í rafgeyminn. Þessari tengingu má ná með jarðtengingu í startara, jarðtengingu startara í grind eða beinni jarðtengingu vélar í grindina.
Allar jarðtengingar ættu að vera þéttar og lausar við tæringu. Riðstraumsrafall aflvélarinnar þarf að vera jarðtengdur við mínustengi "-" rafgeymisins með vír sem ræður við fullan hleðslustraum í riðstraumsrafalinn.