3306B Industrial Engine Caterpillar

Fuel Conservation Practices

Usage:

Afkastageta aflvélarinnar getur haft áhrif á eldsneytisnýtinguna. Framleiðsluhönnun og -tækni Caterpillar býður upp á hámarkseldsneytisnýtingu við alla notkun. Fylgið ráðlögðum ferlum til að ná hámarksafköstum úr aflvélinni út endingartíma hennar.

Forðist eldsneytisleka.

Eldsneyti þenst út þegar það hitnar. Eldsneyti getur flætt út úr eldsneytisgeyminum. Horfið eftir leka í eldsneytisleiðslum. Gerið við eldsneytisleiðslurnar eftir þörfum.

Hafa skal í huga eiginleika mismunandi eldsneytis. Notið eingöngu ráðlagt eldsneyti.
Forðist óþarfa lausagang.

Drepið á aflvélinni frekar en að láta hana ganga í lausagangi í langan tíma.

Fylgist reglulega með þjónustuvísinum. Haldið loftsíueiningunum hreinum.
Gangið úr skugga um að forþjöppurnar vinni eðlilega til að hægt sé að viðhalda réttu hlutfalli lofts/eldsneytis. Hreinn útblástur gefur til kynna rétta vinnslu.
Viðhaldið góðu rafkerfi.

Ein gölluð rafgeymissella veldur of miklu álagi á riðstraumsrafalinn. Slíkt veldur of mikilli orkunotkun og eldsneytisnotkun.

Gangið úr skugga um að reimarnar séu rétt stilltar. Reimarnar ættu að vera í góðu ástandi.
Gætið þess að slöngurnar séu vel festar. Ekki ætti að leka með festingunum.
Gangið úr skugga um að ökutæki sé í góðu lagi.
Kaldar aflvélar nota mikið eldsneyti. Notið hitann frá vatnskápukerfinu og útblásturskerfinu þegar það er hægt. Haldið kælikerfisíhlutum hreinum og í góðu ástandi. Aldrei skal nota aflvélina án vatnshitastilla. Öll þessi atriði munu viðhalda vinnsluhita.
Upplýsingar um stillingar eldsneytiskerfisins og hæðartakmörk fyrir notkun eru stimpluð á upplýsingaplötu aflvélarinnar. Ef aflvélin er færð í meiri hæð þarf söluaðili Caterpillar að breyta stillingunum. Með því að breyta stillingunum er komið í veg fyrir skemmdir á forþjöppunni. Breytingar á stillingunum tryggja hámarksafköst aflvélarinnar. Hægt er að nota aflvélar á öruggan hátt í meiri hæð, en þær munu skila færri hestöflum. Umboðsaðili Caterpillar ætti að sjá um breytingar á eldsneytisstillingunum svo að uppgefnum hestaflafjölda sé viðhaldið.