Háspennan sem myndast í gangandi rafstöð getur valdið alvarlegum meiðslum eða dauða. Áður en byrjað er á viðhaldsvinnu eða viðgerðum skal tryggja að ekki sé hægt að gangsetja rafalinn. Setjið stjórnrofa aflvélarinnar í stöðuna "OFF (SLÖKKT)". Setjið miðana "DO NOT OPERATE (NOTKUN BÖNNUÐ)" á allan gangsetningarbúnað. Aftengið rafgeymana eða gerið gangsetningarkerfið óvirkt. Læsið öllum rofbúnaði og sjálfvirkum flutningsrofum sem eru tengdir rafalnum. |
NAUÐSYNLEG VERKFÆRI | ||
Partanúmer | Verkfæri | Fjöldi |
142-5055 | Prófunartæki fyrir einangrun
Ohmmælir |
1 |
Raflost getur valdið meiðslum eða dauða. Megohm-mælirinn notar háspennu á straumrásina. Til að forðast raflost skal ekki snerta leiðslur tækisins án þess að afhlaða þær fyrst. Þegar prófun er lokið skal einnig afhlaða vöf rafalsins. |
Eftirfarandi efni valda tæringu í einangrun vafs:
- raki (vatn)
- ryk
- feiti
- önnur aðskotaefni inni í rafalnum
Tæringin dregur úr viðnámi einangrunarinnar. Þessi prófun mælir viðnám í einangrun vafs.
Prófunartækið (ohmmælir) myndar háa spennu á milli prófunartenglanna. Vart verður við lítilsháttar straumflæði meðan á prófun stendur. Prófunartækið umbreytir straumnum í viðnámsmælingu.
Einangrunarprófunin er hluti af reglulegu viðhaldi til að greina tæringu í einangrun vafs. Ef einangrunarviðnám minnkar verulega á stuttum tíma þarf að þrífa rafalinn.
Athugið Frekari upplýsingar um þrif rafals eru í Special Instruction, SEHS9124 – sérstakar leiðbeiningar.
Raki getur safnast upp í rafölum sem staðið hafa ónotaðir í einhvern tíma. Þess vegna ætti að prófa rafala eftir að þeir hafa gengið í lausagangi. Ef raki er til staðar þarfa að þurrka vöfin áður en prófunin fer fram. Frekari upplýsingar eru í Prófun og stilling, "Rafall – þurrkun".
Nauðsynlegt er að endurstilla eða skipta um vafið í eftirfarandi tilfellum:
- Mæling einangrunarviðnáms er undir tilteknum mörkum. Þrif hafa engin áhrif á frávikið.
- Mæling einangrunarviðnáms er undir tilteknum mörkum. Þurrkun hefur engin áhrif á frávikið.
Tilgreint einangrunarviðnám er áætlað gildi. Rafallinn getur unnið við minna en uppgefið gildi. Aftur á móti eru meiri líkur á að bilun komi upp í rafal með lágu einangrunarviðnámi.
Röng bilanaleit og viðgerðir geta valdið meiðslum eða dauða. Eingöngu vottað starfsfólk sem er kunnugt þessum búnaði skal sinna eftirfarandi bilanaleit og viðgerðum. |
Einangrunarprófunin skilar aðeins nákvæmum niðurstöðum á þurrum vöfum sem eru við stofuhita.
Einangrunarviðnám hvers vafs þarf að vera minnst eitt megohm.
- Takið álag af rafalnum á annan hvorn eftirfarandi máta:
- Opnið línuútsláttarrofann.
- Opnið eftirfarandi álagstengingar: T1, T2, T3 og T0.
Tryggið að vírar snertist ekki né að þeir snerti jörð.
- Einangrið aðalsnúðinn (L4) frá spennustillinum með því að aftengja spennuskynjaravíra. Ef rafalleiðsla (T0) er tengd við grind rafalsins eða jörð skal opna tenginguna.
- Tengið eitt prófunartengi prófunartækis fyrir einangrun (ohmmælir) við ytra byrði rafalsins (jörð).
- Tengið hitt prófunartengi prófunartækisins (ohmmælir) við rafalleiðslu (T0).
- Einangrunarviðnámið þarf að vera eitt meg Ω eða hærra.
- Einangrið segulmagnarasvið (L1) frá spennustillinum með því að aftengja víra 5+ og 6-. Tryggið að vírar snertist ekki né að þeir snerti jörð.
- Tengið eitt prófunartengi prófunartækis fyrir einangrun (ohmmælir) við ytra byrði rafalsins (jörð).
- Tengið eitt prófunartengi prófunartækis fyrir einangrun (ohmmælir) við leiðslu segulmagnaraleiðslu (5+ eða 6-).
- Mælið viðnám einangrunar segulmagnarasviðsvafs við jörð. Einangrunarviðnámið þarf að vera að lágmarki 0,25 meg Ω (250000 ohm).
- Einangrið segulmagnara (L2) frá rafrás afriðilsins. Aftengið vírana þrjá úr segulmagnaranum í afriðilsstykkin.
- Tengið eitt prófunartengi prófunartækis fyrir einangrun (ohmmælir) við snúðskaftið.
- Tengið eitt prófunartengi prófunartækisins (ohmmælir) við einhverja leiðslu segulmagnarasviðsins.
- Einangrunarviðnámið þarf að vera að lágmarki 0,25 meg Ω (250000 ohm).