| TILKYNNING |
|---|
|
Notið ávalt sér dælu fyrir olíu og aðra dælu fyrir kælivökva. Með því að nota sömu dælu fyrir báðar gerðir sýna getur það mengað sýnin sem eru tekin. Þetta getur orsakað ranga greiningu og rangan skilning sem gæti valdið umboði og viðskiptavini áhyggjum. |
Ef notaður er hefðbundinn, þolmikill kælivökvi/frostlögur skal athuga reglulega þéttni íblöndunarefnis fyrir kælivökva (SCA). Hægt er að athuga styrkleika íblöndunarefnis fyrir kælivökva með S·O·S kælivökvagreiningu (1. stigs).
Takið sýni af kælivökva eins nálægt því sýnatökutímabili sem mælt er með og hægt er. Til að S·O·S greiningin gefi sem besta mynd þarf að safna heildstæðum gögnum. Til þess að koma upp slíkum gögnum ber að taka sýni með reglubundnu millibili. Tæki til sýnatöku er hægt að fá hjá söluaðila Cat.
Fylgið eftirfarandi leiðbeiningum við rétta sýnatöku á kælivökva:
- Takið aldrei sýni úr þenslukútum.
- Takið aldrei sýni úr aftöppunarhluta kerfisins.
- Geymið ónotaðar sýnaflöskur í plastpoka.
- Hafið lok á tómum sýnaflöskum þar til að sýnataka hefst.
- Ljúkið við að fylla út upplýsingar á miðann fyrir sýnaflöskuna áður en sýnataka hefst.
- Takið kælivökvasýni beint frá sýnatökustað fyrir kælivökva. Sýni á ekki að taka á öðrum stöðum.
- Setjið sýnið strax í rörið sem ætlað er til sendingar, til að forðast mengun.
Sendið sýnið í 1. stigs greiningu.
Athugið Niðurstöður á stigi 1 geta gefið til kynna þörf fyrir greiningu á stigi 2.
Sjá frekari upplýsingar um greiningu á kælivökva í Special Publication, SEBU6400, "Cat Gas Engine Lubricant, Fuel, and Coolant Recommendations" (sérrit með ráðleggingum um notkun smurefna, eldsneytis og kælivökva í gasknúnum aflvélum frá Cat) eða leitið ráða hjá söluaðila Cat.