| |
| Skýringarmynd 1 | g02118437 |
|
(1) Skjár
(2) F4 valhnappur (3) F3 valhnappur (4) F2 valhnappur (5) F1 valhnappur (6) Stjórnhnappur (7) Rafmagnsyfirlitshnappur (8) Aflvélaryfirlitshnappur (9) Aðalvalmynd (10) Gaumljós (gult) (11) Hnappur til að samþykkja viðvaranir og hnappur til að þagga (12) Stöðvunarljós (rautt) (13) Endurstillingarhnappur tilvika (14) Skráningarhnappur tilvika (15) Ræsingarhnappur (16) Sjálfvirknihnappur (17) Stöðvunarhnappur (18) Hnappur til að hætta við (19) Upphnappur (20) Hægrihnappur (21) Samþykktarhnappur (22) Niðurhnappur (23) Vinstrihnappur | |
Aðalíhlutur rafrænnar stjórnborðseiningar 4.3/4.4 ( EMCP 4.3/4.4) er stjórntölvan. Þessi kafli lýsir skjá, hnöppum og gaumljósum á stjórnborði stjórntölvunnar. EMCP 4.3/4.4 stjórnborðið er notað fyrir eftirlit og stjórnun margra eiginleika rafstöðvarinnar. Á meðal eiginleikanna eru:
- Sending gangsetningar- og stöðvunarmerkja til aflvélar
- Sjónrænar tilkynningar og hljóðtilkynningar fyrir viðvaranir og stöðvanir
- Birting upplýsinga frá aflvél og riðstraumsrafstöð
- Birting upplýsinga SPN-númers (Suspect Parameter Number) og FMI-auðkennis (Failure Mode Identifier) tilvika
- Forritun stillipunkta fyrir staðlaða EMCP 4.3/4.4 (Stillipunktar fyrir valkvæmar einingar eru stilltir með Cat ET-rafgreiningarbúnaði.)
- Stilling tilkynnandi tækis fer fram í EMCP 4.3/4.4
Íhlutir á framhlið stjórntölvu
Eftirfarandi íhluti er að finna á framhlið stjórntölvunnar:
- Upplýsingaskjár
- Viðvörunarljós
- Staðfestingarhnappur viðvörunar / þöggunarhnappur
- Endurstillingarhnappur tilvika
- Aðgerðalyklar
- Valhnappar
- Hnappar fyrir yfirlit kerfis
(1) Skjámynd - Upplýsingar frá EMCP 4 eru birtar á skjámyndinni. Þessi skjámynd er notuð fyrir eftirfarandi forritun og birtingu.
- Birting riðstraumsfæribreyta í rafstöðinni
- Birting aflvélarfæribreyta í rafstöðinni
- Forritun stillipunkta fyrir rafalinn
- Birting tilvikaupplýsinga í aflvél
- Birting tilvikakóða fyrir aðrar einingar
- Forritun kjörstillinga fyrir skjá EMCP 4.3/4.4
- Breytingar á aðgangsorðsstigi EMCP 4.3/4.4
Staðfestingarhnappur viðvörunar / þöggunarhnappur
(10) Staðfestingarhnappur viðvörunar / þöggunarhnappur - Þegar ýtt er á hnappinn fyrir staðfestingu / þöggun er lokað fyrir úttak í rafliða flautu og slökkt á flautunni. Þá slokknar einnig á gulum og rauðum blikkandi ljósum eða þau loga stöðugt, allt eftir virkri stöðu viðvarananna. Einnig er hægt að stilla staðfestingar-/þöggunarhnappinn þannig að hann sendi út altæka þöggun á J1939 Data Link sem slekkur á flautum á tilkynnandi tækjum. Aftur á móti þarf að stilla aðrar einingar á að þekkja altæka staðfestingu.
Endurstillingarhnappur tilvika
(11) Endurstillingarhnappur tilvika - Endurstillingarhnappur tilvika hreinsar allar óvirkar bilanir.
Gult viðvörunarljós - Gula viðvörunarljósið (10) er beint fyrir ofan staðfestingar-/þöggunarhnappinn (11). Þegar gula ljósið blikkar þýðir það að um sé að ræða virkar viðvaranir sem eftir á að staðfesta. Þegar gula ljósið logar stöðugt þýðir það að staðfestar viðvaranir séu virkar. Ef virkar viðvaranir liggja fyrir hættir gula ljósið að blikka og fer að loga þegar stutt er á staðfestingar-/þöggunarhnappinn. Ef engar frekari viðvaranir liggja fyrir slokknar á gula ljósinu þegar stutt er á staðfestingar-/þöggunarhnappinn.
Rautt stöðvunarljós - Rauða stöðvunarljósið (12) er beint fyrir ofan endurstillingarhnapp tilvika (13). Þegar rauða ljósið blikkar er um að ræða virk stöðvunartilvik sem eftir á að staðfesta. Þegar rauða ljósið logar þýðir það að staðfest stöðvunartilvik séu virk. Ef virk stöðvunartilvik liggja fyrir hættir rauða ljósið að blikka og fer að loga þegar stutt er á staðfestingar-/þöggunarhnappinn. Endurstilla verður ástandið sem olli stöðvunartilvikinu handvirkt. Þegar engin frekari stöðvunartilvik liggja fyrir slokknar á rauða ljósinu.
(2) F4 - Þegar ýtt er á F4 verður virkur eiginleikinn sem lýst er á skjámyndinni beint fyrir ofan þennan hnapp. Þegar þessi hnappur er skilgreindur á skjámynd til að fletta upp eða niður virka upp- og niðurhnapparnir eins.
(3) F3 - Þegar ýtt er á F3 verður virkur eiginleikinn sem lýst er á skjámyndinni beint fyrir ofan þennan hnapp. Þegar þessi hnappur er skilgreindur á skjámynd til að fletta upp eða niður virka upp- og niðurhnapparnir eins.
(4) F2 - Þegar ýtt er á F2 verður virkur eiginleikinn sem lýst er á skjámyndinni beint fyrir ofan þennan hnapp. Þegar þessi hnappur er skilgreindur á skjámynd til að fletta upp eða niður virka upp- og niðurhnapparnir eins.
(5) F1 - Þegar ýtt er á F1 verður virkur eiginleikinn sem lýst er á skjámyndinni beint fyrir ofan þennan hnapp. Þegar þessi hnappur er skilgreindur á skjámynd til að fletta upp eða niður virka upp- og niðurhnapparnir eins.
(15) RUN - Þegar ýtt er á hnappinn "RUN" (gangsetja) er EMCP 4.3/4.4 stillt á gangsetningarstillingu.
(16) AUTO - Þegar ýtt er á hnappinn "AUTO" (sjálfvirkt) er EMCP 4.3/4.4 stillt á sjálfvirka stillingu.
(17) STOP - Þegar ýtt er á hnappinn "STOP" (stöðva) er EMCP 4.3/4.4 stillt á stöðvunarstillingu eða kælingarstillingu.
(18) Hnappur til að hætta við - Hnappurinn til að hætta við er notaður til að fara upp um þrep í valmynd/undirvalmynd. Í hvert sinn sem stutt er á hnappinn fer notandinn aftur (upp) um þrep í valmynd. Hnappurinn er einnig notaður til að hætta við að færa inn gögn í skjámynd við forritun stillipunkta. Ef stutt er á hnappinn til að hætta við meðan á forritun stendur eru engar breytingar á skjámyndinni vistaðar í minni.
(21) OK-hnappur - OK-hnappurinn er notaður til að halda áfram (niður) í valmynd/undirvalmynd. Hnappurinn er einnig notaður til að vista breytingar á stillipunktum. Ef ýtt er á hnappinn OK (í lagi) við forritun stillipunkta eru punktarnir vistaðir í minni.
(6) Stjórnhnappur - Stjórnhnappurinn flettir á skjámynd sem gerir notanda kleift að fylgjast með og/eða stilla ýmsa sérstaka stjórneiginleika.
(9) Aðalvalmyndarhnappur - Aðalvalmyndarhnappurinn flettir beint í aðalvalmyndina án þess að fara þurfi út úr valmyndum.
(14) Tilvikaskrá - Þegar ýtt er á tilvikaskráarhnappinn er flett að tilvikaskránni.
(19) Upphnappur - Upphnappurinn er notaður til að fletta upp í valmynd eða eftirlitsskjámyndum. Hnappurinn er einnig notaður við innfærslu stillipunkta. Þegar verið er að færa inn tölur er hnappurinn notaður til að velja hærri tölu (0-9). Ef stillipunkturinn krefst þess að valið sé af lista er hnappurinn notaður til að fletta upp listann.
(20) Hægrihnappur - Hægrihnappurinn er notaður við stillingu stillipunkta. Þegar verið er að færa inn tölur er hnappurinn notaður til að velja töluna sem á að breyta. Hnappurinn er einnig notaður við tilteknar breytingar á stillipunktum til að haka í gátreit eða taka hak úr gátreit. Ef hakað hefur verið í gátreit og ýtt er á hnappinn er hakinu eytt. Ef ekki er búið að haka í gátreit og ýtt er á hnappinn er hakað í reitinn.
(22) Niðurhnappur - Niðurhnappurinn er notaður til að fletta í gegnum ýmsar valmyndir og eftirlitsskjámyndir. Hnappurinn er einnig notaður við innfærslu stillipunkta. Þegar verið er að færa inn tölur er hnappurinn notaður til að velja lægri tölu (0-9). Ef stillipunkturinn krefst þess að valið sé af lista er hnappurinn notaður til að fletta niður listann.
(23) Vinstrihnappur - Vinstrihnappurinn er notaður við stillingu stillipunkta. Þegar verið er að færa inn tölur er hnappurinn notaður til að velja töluna sem á að breyta. Hnappurinn er einnig notaður við tilteknar breytingar á stillipunktum til að haka í gátreit eða taka hak úr gátreit. Ef hakað hefur verið í gátreit og ýtt er á hnappinn er hakinu eytt. Ef ekki er búið að haka í gátreit og ýtt er á hnappinn er hakað í reitinn.
(7) Riðstraumsyfirlit - Þegar ýtt er á riðstraumsyfirlitshnappinn er opnuð fyrsta skjámynd riðstraumsupplýsinga fyrir rafstöðina. Þessi upplýsingasíða inniheldur ýmsar riðstraumsfæribreytur sem innihalda samantekt á rafmagnsnotkun rafstöðvarinnar. Hægt er að skoða fleiri riðstraumsfæribreytur með því að ýta oft á niðurhnappinn.
(8) Aflvélaryfirlit - Þegar ýtt er á aflvélaryfirlitshnappinn er fyrsta skjámynd aflvélarupplýsinga opnuð. Þessi upplýsingasíða inniheldur ýmsar aflvélarfæribreytur sem innihalda samantekt á notkun aflvélarinnar. Hægt er að skoða fleiri aflvélarfæribreytur með því að ýta oft á niðurhnappinn.
| |
| Skýringarmynd 2 | g01185966 |
|
(1) Sjálfvirkur/handvirkur rofi fyrir gangsetningarhjálp (ef hann er til staðar)
(2) Ljósarofi í stjórnborði (3) Neyðarstöðvunarhnappur (4) Rofi til að stilla rafspennu (ef hann er til staðar) (5) Hraðabreytiviðnám (ef það er til staðar) (6) Viðhaldstengi (ef það er til staðar) (7) Flauta (ef hún er til staðar) (8) Rofi til að ræsa dælu (ef hann er til staðar) (9) Dælustöðvunarrofi (ef hann er til staðar) | |
Sjálfvirkur/handvirkur rofi fyrir gangsetningarhjálp (1) - Rofinn fyrir gangsetningarhjálp er aukabúnaður. Rofinn fyrir gangsetningarhjálp er notaður til að spýta eter inn í aflvélina þegar hún er gangsett í kulda. Þegar rofinn fyrir ræsihjálp er færður í stöðuna Á kveikir rofinn á segulloka ræsihjálparinnar. Segulloki ræsihjálparinnar spýtir tilteknu magni af eter í biðhólf. Þegar rofanum fyrir gangsetningarhjálp er sleppt spýtir segulspólulokinn eter inn í aflvélina.
Ljósarofi í stjórnborði (2) - Snúið rofanum til að kveikja eða slökkva á ljósunum í stjórnborðinu.
Þrýstihnappur fyrir neyðarstöðvun (3) - Neyðarstöðvunarhnappurinn er notaður til að drepa á aflvélinni í neyð. Neyðarstöðvunarhnappurinn (ef hann er til staðar) lokar fyrir eldsneytið og ræsir loftlokun (aukabúnaður).
Rofi til að stilla rafspennu (4) - Hægt er að auka rafspennuna með þessum rofa. Einnig er hægt að minnka rafspennuna með þessum rofa.
Hraðajafni (5) - Hraðajafninn er aukabúnaður. Hægt er að nota hraðajafnann á rafstöðvar sem eru búnar rafstýrðum gangráði.
Viðhaldstengi (6) - Viðhaldstengið er 9 pinna tengi til að tengja greiningarbúnað frá Caterpillar.
Flauta (7) - Flautan gefur frá sér hljóðviðvörun.
Rofi til að ræsa dælu (ef hann er til staðar) (8) - Eldsneytisflutningurinn er sjálfvirkur við venjulegar kringumstæður. Í sumum tilvikum er nauðsynlegt að handstýra honum. Ýtið einu sinni á rofann til að ræsa dæluna handvirkt.
Dælustöðvunarrofi (ef hann er til staðar) (9) - Dælustöðvunarrofinn er þrýstihnappsrofi sem læsist inni. Dælustöðvunarrofinn stöðvar dæluna ef hnappinum er ýtt inn. Þegar rofanum er sleppt fer dælan aftur í gang.
| |
| Skýringarmynd 3 | g01101388 |
Samskiptaborðið er notað til að sýna tilvik og ástand ýmissa kerfa. Samskiptaborðið notar gaumljós og flautu til að upplýsa stjórnandann um stöðu kerfisins. Samskiptaborðið er einnig notað til að tilkynna um bilanir og/eða senda stöðuskilaboð til stjórnandans. Stjórnandi vinnuvélar getur slökkt á flautunni á samskiptaborðinu. Stjórnandi vinnuvélar getur einnig staðfest bilanir í kerfinu á samskiptaborðinu.
Það eru 17 pör af gaumljósum á framhlið samskiptaborðsins. Af þeim eru 16 pör notuð til að tilkynna atvik og bilanaleit og gefa merki um að allt sé til reiðu. En 17. parið er notað til að sýna stöðu á bæði neti og einingu. Og 17. parið tilkynnir stjórnanda um vandamál með J1939 gagnatengingu.
Hvert par gaumljósa á samskiptaborðinu samanstendur af tveimur af eftirfarandi þremur litum: grænum, gulum og rauðum. Til dæmis er hægt að stilla par af gaumljósum í rauðum og gulum lit til að sýna smurolíuþrýsting. Ef viðvörun um lágan smurolíuþrýsting er send um gagnatenginguna mun gula gaumljósið blikka á samskiptaborðinu og flautan fara í gang. Ef viðvörun um stöðvun vegna lágs smurolíuþrýstings er send um gagnatenginguna mun rauða gaumljósið blikka á samskiptaborðinu og flautan fara í gang.
Til að staðfesta stöðvunina og viðvörunina eða til að slökkva á flautunni skal ýta á hnappinn "Alarm Acknowledge" (staðfesta viðvörun) sem er á samskiptaborðinu.
Prófið LED-gaumljósin eða flautuna þegar gagnatengingin er virk eða óvirk með því að ýta á hnappinn "ljósaprófun" sem er á samskiptaborðinu.
Hægt er að sérstilla samskiptaborðið þannig að það gefi tilkynningar um ýmiss konar ástand í kerfinu. Stilla verður hvert par af gaumljósum með þartilgerðu sérverkfæri. Þegar sérverkfærið er tengt við samskiptaborðið verður notandinn að opna skjáinn "Configuration (stilling)". Fjórar stillingar eru í boði fyrir hvert gaumljósapar: SPN, Trigger Type (gerð atburðakveikju), Trigger Severity Level (stig atburðakveikju) og Failure Mode Identifier (FMI) (bilunarauðkenning).
Ítarlegri upplýsingar um samskiptaborðið er að finna í Notkun kerfis, villuleit, prófun og stilling, UENR1210, "EMCP4.3/4.4".