Aukin eldsneytisnotkun og minnkað afl gefur yfirleitt til kynna þörf fyrir endurbyggingu.
Eftirfarandi þættir skipta máli þegar tekin er ákvörðun um réttan tíma fyrir endurbyggingu aflvélar:
- Þörf fyrir fyrirbyggjandi viðhald
- Gæði eldsneytis sem notað er
- Vinnuskilyrði
- Niðurstöður S·O·S greiningar
Olíunotkun sem vísbending um þörf fyrir endurbyggingu
Upplýsingar um olíunotkun, eldsneytisnotkun og viðhald má nota til að áætla rekstrarkostnað í heild fyrir Caterpillar-aflvélina. Einnig má nota upplýsingar um olíunotkun til að áætla nauðsynlegt rúmtak viðbótarolíugeymis sem hentar fyrir viðhaldsmillibilið.
Olíunotkun er í hlutfalli við prósentutölu uppgefins álags á aflvélina. Þegar prósentutala álags á aflvélina er hækkuð eykst einnig magn þeirrar olíu sem notuð er á klukkustund.
Olíunotkun (sem hlutfall af afli (BSOC)) er mæld í grömmum á kílóvattstund (lb/bhp). Olíunotkun sem hlutfall af afli (BSOC) fer eftir álagi á aflvél. Hafið samband við söluaðila Caterpillar til að fá aðstoð við að ákvarða dæmigerða olíunotkun fyrir aflvélina.
Þegar olíunotkun aflvélar hefur aukist í þrefalda upphaflega olíunotkun sökum eðlilegs slits ætti að áætla endurbyggingu á aflvélinni. Hugsanlega verður samsvarandi aukning á þrýstileka og lítilleg aukning eldsneytisnotkunar.
Áætluð endurbygging fyrir bilun gæti verið ákjósanlegur kostur af eftirtöldum ástæðum:
- Hægt er að koma í veg fyrir kostnað sem hlýst af ófyrirséðri stöðvun aflvélarinnar.
- Hægt er að endurnýta marga upprunalega hluti samkvæmt stöðlum fyrir endurnýtanlega hluti.
- Hægt er að auka endingu aflvélarinnar án þess að hætta sé á alvarlegum óhöppum vegna vélarbilunar.
- Hægt er að ná besta hlutfallinu milli kostnaðar og virðis á hverja klukkustund aukinnar endingar.
Ef meiriháttar vélarbilun verður og taka verður aflvélina úr eru margir kostir tiltækir. Framkvæma ætti endurbyggingu ef gera þarf við strokkstykkið eða sveifarásinn.
Ef hægt er að gera við strokkstykkið og/eða hægt er að gera við sveifarásinn ætti kostnaðurinn við endurbyggingu að vera á milli 40 og 50 prósent af kostnaði við nýja aflvél með svipuðum útskiptanlegum kjarna.
Þrjú atriði skila þessum lækkaða kostnaði:
- Sérstaklega hannaðir eiginleikar Caterpillar-aflvéla
- Varahlutir frá söluaðila Caterpillar
- Endurnýttir varahlutir frá Caterpillar Inc.
Ráðleggingar vegna endurbyggingar
Til að halda þeim tíma sem aflvélin stöðvast í lágmarki skal láta söluaðila Caterpillar sjá um endurbyggingu. Þetta skilar sér í besta hlutfallinu milli kostnaðar og virðis.
Athugið Endurbygging fer fram með mismunandi hætti eftir notkun aflvélarinnar og eftir því hvaða söluaðili framkvæmir endurbygginguna. Hafðu samband við söluaðila Caterpillar til að fá sértækar upplýsingar um þá möguleika á endurbyggingu sem í boði eru og um endurbyggingarþjónustu til að auka endingu aflvélarinnar.
Ef endurbygging er framkvæmd án endurbyggingarþjónustu hjá söluaðila Caterpillar skal hafa eftirfarandi tilmæli um viðhald í huga.
Þrífið eldsneytislokann og skiptið um O-hringina. Skiptið um O-hringina og pakkninguna á hólk eldsneytislokans. Þrífið svæðið í kringum sæti eldsneytislokans í hólknum. Upplýsingar um verkið í heild eru í þjónustuhandbókinni, auk þess sem hægt er að leita aðstoðar hjá söluaðila Caterpillar.
Skoða skal þessa hluti samkvæmt leiðbeiningunum sem finna má í ýmsum ritum Caterpillar um möguleika á endurnýtingu. Í Special Publication - Sérriti, SEBF8029 er að finna lista yfir rit um möguleika á endurnýtingu sem þörf er á við skoðun aflvélarhlutana.
Uppfylli hlutarnir setta skoðunarstaðla sem fram koma í leiðbeiningunum um möguleika á endurnýtingu hluta skulu hlutarnir endurnýttir.
Gera skal eitt af eftirfarandi við hluta sem ekki falla undir setta skoðunarstaðla:
- Bjarga verðmætum
- Gera við
- Skipta um
Hlutar sem ekki uppfylla staðlaðar forskriftir skoðunar geta leitt til eftirfarandi vandamála:
- Óvæntar bilanir
- Dýrar viðgerðir
- Skemmdir á öðrum aflvélarhlutum
- Minnkuð afköst aflvélar
- Aukna eldsneytisnotkun
Minnkuð afköst aflvélar og aukin eldsneytisnotkun hefur í för með sér aukinn rekstrarkostnað. Því mælir Caterpillar Inc. með því að gert sé við hluta sem ekki falla undir staðla eða að skipt sé um þá.
Stimpilhringir, sveifaráslegur, ventilsnúðar og sveifarásþétti
Eftirfarandi íhlutir endast e.t.v. ekki fram að annarri endurbyggingu.
- Þrýstilegur
- Aðallegur
- Stangarlegur
- Ventilsnúðar
- Sveifarásþétti
Caterpillar Inc. mælir með að nýir hlutar séu settir í á hverju endurbyggingartímabili.
Skoðið þessa hluta á meðan aflvélin er tekin í sundur fyrir endurbyggingu.
Athuga skal hvort einhver eftirfarandi atriða sjást á sveifarásnum:
- Sveigja
- Skemmdir á leguvölum
- Leguefni sem hefur fest í leguvölum
Athugið uppmjókkun á leguvölum og útlínur á sveifarássvölum. Athugið þessa íhluti með því að meta slitið á eftirfarandi íhlutum:
- Stangarlegu
- Aðallegur
Athugið Ef sveifarásinn er fjarlægður af einhverjum ástæðum skal nota skoðun með segulögnum til að leita að sprungum í sveifarásnum.
Skoðið hvort skemmdir eru á leguvölum og kömbum kambássins.
Athugið Ef kambásinn er fjarlægður af einhverjum ástæðum skal nota skoðun með segulögnum til að leita að sprungum í kambásnum.
Skoðið hvort merki um slit eða núning sjást á eftirfarandi íhlutum:
- Kambáslegur
- Undirlyftur
Caterpillar Inc. mælir með að skipt sé um titringsdeyfi sveifarássins.
Kjarni olíukælis og kjarni millikælis
Við endurbyggingu er mælt með því að kjarni olíukælisins og kjarni millikælisins séu fjarlægðir. Þrífa og þrýstingsprófa skal kjarna olíukælis og kjarna millikælis.
| TILKYNNING |
|---|
|
Notið ekki ætandi hreinsiefni til að þrífa kjarnann. Ætandi hreinsiefni geta valdið skemmdum á málmum í innviðum kjarnans og orsakað leka. |
Athuga skal styrkleika íblendiefnis fyrir kælivökva reglulega með prófunarsettum eða með S·O·S kælivökvagreiningu (1. stig). Mælt er með frekari kælivökvagreiningu þegar unnið er að endurbyggingu á aflvélinni.
Hægt er að gera kælivökvagreiningu til þess að staðfesta ástand vatnsins sem notað er í kælikerfinu. Hægt er að fá fulla vatnsgreiningu í samráði við viðkomandi vatnsveitu eða landbúnaðarráðunaut. Einnig er hægt að fá vatnsgreiningu hjá einkarannsóknarstofum.
Caterpillar Inc. mælir með S·O·S kælivökvagreiningu (2. stig).
S·O·S kælivökvagreining (2. stig)
S·O·S kælivökvagreining (2. stig) er alhliða kælivökvagreining sem greinir kælivökvann og áhrif hans á kælikerfið ítarlega. S·O·S kælivökvagreining (2. stig) veitir eftirfarandi upplýsingar:
- Full S·O·S kælivökvagreining (2. stig)
- Sjónræna skoðun á eiginleikum
- Greiningu á málmtæringu
- Greiningu á mengunarefnum
- Greiningu á uppsöfnuðum óhreinindum (tæringu og útfellingum)
S·O·S kælivökvagreining (2. stig) býður upp á skýrslu um niðurstöður bæði úr greiningunni og tilmælum um viðhald.
Frekari upplýsingar um kælivökvagreiningu fást hjá söluaðila Caterpillar.